At cünta ona storia ?

At cünta ona storia?
- Maria Zücoria! -
At el cünta dabom?
- Maria Zücom! -


Ona volta o gh'eva on om

Ona volta o gh'eva on om
C'a girava intorn al dom
Con el sö s'ciopet in spala:
a go da dila o cüntala?


A go fam

A go fam ! - Mangia el scagn
El scagn l'e dür ! - Mangia el mür
El mür l'e fat ! - Mangia el rat
El rat o cor ! - Mangia el amor


Soo benedet

Soo soo benedet
Salta fora da chel sachet!


Lüis

Lüis barbis, con tre camis
Con tre chestegn, Lüis de legn.


Giovanign

Giovanign dala vigna
Om po o piansg, om po o ghigna.


Pepina

Uno, due, tre
La Pepina la fa 'l cafè
La fa 'l cafè con la cicolata
La Pepina l'è meza mata.


Ara bambara

Ara bambara, discorsa dinara
arign bambign, al post del Pign
ara todesca, l'è fora l'è chesta.
Poma la lana, sgarzana
la fiss, stortiss,
viva la guera tombera
leom, sperom, tirlo tass.
Galina zopa, dela fopa
del fopel, tant or, pecatora
chest ent, chest fora.
Avemaria, paseria
passen vüm, passen düü,
passen trii, passen quatro,
passen scinc, passen ses,
passen sett, passen vott
tira sü chel sciott.
Licche, Berlicche
la forca ti impicche
leom todesc, tira fora, l'è chest.


A som necia ar Geria

A som necia ar Geria
A crompaa ona vaca ceria.
A gh'eva sgiü na vegeta
Ca feva poltineta,
la ma decc el trüsee da lecaa
mi a l'o bütoo in che frogaa.
Er vegia l'e vegnüda rabiada
Mi a sont scapada.
A som saltada in om foss
Lee la me saltada adoss.
La m'a roboo er me bareta rossa.
Mi a g'o dicc "damm er me bareta!"
"No, tro ti ne 'm dé pagn."
A som necia dal forn per fam daa pagn:
"No, tro ti ne 'm dé farina."
A som necia dal mornee a fam daa farina:
"No tro ti ne 'm dé gregn."
A som necia dar campagna a fam daa gregn:
"No, tro ti ne 'm dé ladam."
A som necia dar vaca a fam daa ladam:
"No, tro ti ne 'm dé erba."
A som necia dal proo a fam daa erba:
"No, tro ti ne 'm dé grassa."
A som necia dal cion a fam daa grassa:
"No, tro ti ne 'm dé giand."
A som necia dal roro a fam daa giand:
"No, tro ti ne 'm dé gana.
A som necia dal fim a fam daa gana:
Er fim o m'a decc gana,
er gana a gro decia al cion,
el cion o m'a decc grassa,
er grassa a gro decia al proo,
el proo o m'a decc erba,
er erba a gro decia ar vaca,
er vaca la m'a decc ladam,
el ladam a gro decc ar campagna,
er campagna la m'a decc gregn,
el gregn a gro decc al morign,
el morign o m'a decc farina,
er farina a gro decia al forn,
el forn o m'a decc pagn,
el pagn a gro decc ar vegeta
e lee la m'a decc er me bareta.


Sant Antoni

Sant Antoni dal porscel
che sonava el campanel
el campanel o s'è rompü
Sant Antoni o s'è scondü
o s'è scondü poos a ona porta
a gh' eva lì ona dona morta
la dona morta l'a tosid
Sant Antoni o s'è stremid.


El gatt

El gatt, el gatt
o sbircia sora al piatt.
Che mago d'om gatom,
o che birba d'om ladrom.


La va

La va, la va
la tira adré la cà.


Cicch ciocch cavalot

Cicch ciocch cavalot
süla mina di micott
bom pagn, bom vign,
salta sgiü dal cavalign.


L'è pasada ona gasgia

L'è pasada ona gasgia
l'à in boca ne fasgia.
Là in om cronign
a vegn sü om faiscign
da faa er croeta dal nös pinign.


Piöv

Piöv, piöv
la galina la fa l'öv.
Fioca, fioca
la galina la fa l'oca
la fa l'oca in del polee
tüt i asen i cor a vedee.


Pasgioi

Pasgioi, pasgioi a scent a scent
o ca piov o ca dà el vent.
O brüsa er vossa cà.
Corii, corii a stüzala.


El prevedign

Vola, vola prevedign!


Iò, iò

Iò, iò el asen del Tamò.
Nana, nana el asen del Pinana.
Rüca, rüca el asen del Pelüca.


Galineta

Galineta del Signor
vola, vola in paradis
a trovaa el San Lüis.


Grii, grii

Grii, grii vegn dal böcc
er to mama la fa el pancöcc
el tö pa l'è in presom
per om gregn de fromentom.


Ogign bel

Ogign bel
el sö ferdel
oregina bela
er soa sorela
er gesina coi fradign
el campanign ca fa dign dign.


Magn morta

Magn morta
pica er porta
pica el portom
dag om bel sgiafom.


A Milagn

Te se noo a Milagn? Sì.
Te tiroo er coa al cagn? Sì.
Te gh'e vü pagura? No!

Er ava

Te vöö vedee er ava?

Bela magn

Bela magn, bela sagn
bela ghidaza dal pagn.
Doe ti s'è stecia?
"A cà der ghidaza."
Chel l'è la ta decc?
"Pagn a lecc."
Doe ti r'è metü?
"In del büsechign!"


La vegia dondona

La vegia dondona
la bala, la sona.
La va in cantina,
la strepa la spina,
l'an bev om gotign,
la dis che l'è vign.
L'an bev om gotom,
la dis che l'è bom.


I Verzasca

Chi da Senögn
i crapa dal sögn.
Chi da Frasch
i pianta frasch.
Chi dar Geria
i pesta geria.
Chi da Brioi
i draca i calzoi.
Chi dar Vertezz
i taca i pezz.
Chi da Coripp
i büla om titt.
Chi da Vegorn
i sona el tamborn.


I tosan da Teseré

I tosan da Teseré
i va in gesa a tré a tré.
I toca gnanc er aqua santa
per ciapaa er prima banca.


Trenta quaranta

Trenta quaranta
la pegora la canta.
La canta sül sentéé,
la ciama el pegoréé.
El pegoréé l'è a Roma.
La ciama la padrona.
La padrona l'é in giardign,
la ciama el Lüisign.
El Lüisign l'e süla stala
la ciama la cavala.
La cavala l'è sül tecc,
Va sü a tola per i orecc.


Fioca

Fioca, fioca süi montagn
pagn a fior a bel tosan.
Fioca, fioca süi morom
palta e merda al brüt tosom.


Spiom

Spiom, spiom merdom
porta la merda sül bastom.
portala begn, portala maa
a l'inferno o t toca naa.


Crapa pelada

Crapa pelada la fa i tortei,
la gh'en da mia ai so fradei.
I so fradei i fa la fritada.
I gh'en da mia al crapa pelada.


Din don

Din don campanom
tre tosan in sül bancom:
vüna la fira, vüna la taia
l'altra la fa capel de paia.


Fa la nana

Fa la nana popign de cüna
fa la nana popign de gess.
La to mama la bat la lüna
el to pà püsé da spess.


Bala d'or

Bala d'or, bala d'argent
se la toca in tera la var nient.
Va la scond in cantina,
pü nisüm a l'indovina.
Va la scond in spazacà,
pü nisüm la troverà.


Staa ar sponda

Staa ar sponda
a mangiaa er micota tonda.
Sta al müü
a mangiaa pagn e bedüü.


Se i montagn

Se i montagn i füss polenta
el lagh el lecc
er barca el chigiaa
o che maiaa !


Iö, iö el mago

Iö, iö el mago
con la pipa in boca
mi g'o fai nagota
e lü o m'a fai stremii!


Longa longagna

Longa longagna
strepa campagna
strepa campisc
longa longhisc.


Domagn l'é festa

Domagn l'é festa!
Tüti i sciori i cambia la vesta.
E mi che som om povro fiöö
a cambia gnanch el camisöö.


Bondì, bonann

Bondì, bonann
mett er testa in del caman.
Se el caman l'è saroo
mett er testa in del cagadoo.


A Natal

A Natal pass del gal,
a Pasqueta ona bona oreta,
a Sant Antoni on ora bona,
a San Vincenz
on ora a naa corent.


La Madona da Vares

La Madona da Vares
la cüntava fign al des:
vüm, düü, trii, quatro,
cinc, ses, sett, vot,
növ, des.


O Signor

O Signor, ti te se el me pa
e mi a sont el tö toos.
Se o fecc begn, tegnel da cünt,
se o fecc del maa, passegh sora.
Ti te 'l se come la va
in sto mond e in der alt.
Mi am büta sgiü
e a diis naot d'alt.


Vüm el Bambign

Vüm, el Bambign l'è sgiü in la cüna.
Düü, la Madona e l San Giüsep.
Trii, i santi tre Re Magi.
Quatro, i quatro Evangelisti.
Cinch, le cinque piaghe del Signore.
Ses, i ses portom de Roma.
Sett, le sette allegrezze della Madonna.
Vott, i vott canti in Cantoria.
Növ, i nove cori degli Angeli.
Des, i des Comandamenti.
Vondes, le undicimila Vergini.
Dodes, i dodici Apostoli.
Tredes, le tredici grazie di Sant Antonio.
Quatordes, le quattordici stazioni della Via Crucis.
Quindes, i quindici misteri del Rosario.


Madona Calara

Madona Calara
Imprestem la vossa santa scara
Per naa in Paradis
A trovaa i sant amis.
I sant amis i è mort,
pü nisüm i g'a el corp,
nemà i anger a naa a cantand
e l Signor a naa predicand.
Er Madona in sgenügiom
A tignii sü i so bel magn in oreziom.
Chi la sa che i la disa;
chi non la sa che la faga imprend
perché 'l dì del giüdizi
i s troverà content.

---

finiid a mezanöcc el prim de fevree del domila


Commenti a: candida@bluewin.ch
http://members/surfeu.ch/sonogno